Top Ad unit 728 × 90

أحدث المواضيع

recent

مشكلة التعليم والثقافة -د/هيام عزمى النجار Dr.Hiam-Azmi



تكتب دكتورة هيام عزمى النجار خبيرة التنمية البشرية ومساعدة الدكتور إبراهيم الفقى عن مشكلة التعليم والثقافة -د/هيام عزمى النجار Dr.Hiam-Azmi

مشكلة التعليم والثقافة -د/هيام عزمى النجار Dr.Hiam-Azmi
مشكلة التعليم والثقافة -د/هيام عزمى النجار Dr.Hiam-Azmi

المشكلة:

خالتى جيبالي عريس هو محترم واخلاق بس يعنى مش مكمل تعليمه ظروفه هيا اللى خلتوا كدة من زمان حصل مشكله بين ابوة وامه وانفصلوا وهو ساب الدراسة من 3 اعدادى المهم ابوة مات وامه بعدت ميعرفش عنها حاجة خالص، وخالتى بقا قالتلي يابنتى والله ده ولد كويس، بس انا ازاى أقبل بالاعدادية، وهو عندوا شقه وبيشتغل في مصنع ملابس مرتبه كويس، خالتى طبعا باصة ان حال اهل ابويا مش كلهم اصلا متعلمين وفيها ايه يعنى اديكى شايفه احنا عايشين ازاى انتى عمالة تتأمرى على ايه، المهم فضلت افكر في الموضوع مع انى رافضاه اصلااااا بس قولت طيب اشوف الشخص واشوف اذا كان حابب يكمل تعليمه واشوف اخلاقه واسلوبه في الكلام، في المقابل بقا ماما رافضة اصلا حتى وان كانت اخلاقه ممتازة بس قالت مفيش مانع نشوفه وكدة، بابا بقا قال وفيها ايه  نشوفه -  في الحقيقة انا اصلا رافضة وكمان اذا اصلا يعنى حصل نصيب اصلااا لما حد ييجى يسالنى معاه ايه هقوله إعدادية....؟ انا موافقتش اشوفه غير لما لقيت انو مصمم انو يجيي البيت، وخالتى ورتلوا صورى طبعا لان صورى عندهم وبعتولى صورتوا هو شكله اصلا ميديش انو مش متعلم وفعلا شكله محترم، وانا نسيت اقول لحضرتك انا ماما بتشتغل في وزارة التعليم العالى وبابا امين شرطة، بصي حضرتك انا عايزة رايك لأني رأيك يهمني كثير ؟؟؟ انا كدة كدة رافضة بس حتى وان هشوفه من جوايا رافضة وموفقتش اشوفه غير بس علشان خاطر خالتى مصممة على الموضوع وشايفة أنه هو مناسب وهو اللى هيكون حنين، أعمل إيه؟

الحل:

بسم الله الرحمن الرحيم - إلى صاحبة هذه القصة، قريت موضوعك جيداً، وأنا من وجهة نظري أن فيه ناس متعلمين كثير أوي ومع ذلك لا ينتموا للتعليم بشيئ أي غير مستفادين منه حتى في حياتهم العلمية والعملية، من رأيي أنك تشوفيه ولو إرتحتي له عليك أن تُصلي صلاة إستخارة، أما بالنسبة لتعليمه فممكن أوي يكون مثقف عنك أصلاً يعني يكون بيقرأ عن موضوعات كثير، وفاهم بأمور الدنيا لأن الثقافة حاجة والتعليم حاجة، أما عن كلام الناس فلا تبالي بأي شيئ لأن الناس ليس لهم عندك أي حاجة، المهم أنه يتقي الله فيكي، أنا عن نفسي بحب العلم والتعليم جداً بس بردو بحب الأخلاق أوي وده أساس كل شيئ، ما المانع إنك تشوفيه مش مجرد عشان خالتك مصممة ولكن علشان ده إنسان من حقه أنه يعيش حياته، ولو رفضاه تماماً خلاص مفيش حد يقدر يغصب عليكي بيه بس إنظري لأخلاقه وطريقة تعاملاته وأسلوبه بالكلام ده اللي يهمني وطبعاً الرأي يرجع ليكي أنتي بس، وأنا رديت بناءاً على طلبك لرأيي الشخصي، وفقك الله لما يُحب ويرضى. 

وبذلك نكون قدمنا اليكم موضوع عن مشكلة التعليم والثقافة -د/هيام عزمى النجار Dr.Hiam-Azmi
شاهد المزيد من موضوعات التنمية البشرية لدكتورة هيام عزمى النجار على مصر سكاى
  1. النداء الأخير لدكتورة هيام عزمى النجار Dr.Hiam-Azmi - New !!
  2. تحية شكر وتقدير د/هيام عزمى النجارhayam-azmy
  3. حبيبتي وصديقي وحل المشكلة
  4. كارثة خطبة الجمعة د.هيام عزمى النجار
  5. أجبروني أهلي على الزواج منه وحل المشكلة
  6. أنتظر حبيبي أم لا ؟ وما الحل؟
  7. التركيز السلبي على الزوج - د.هيام عزمى النجار
  8. الزوج الخائن والبخيل والمشكلة والحل
  9. المطلقات ونظرة المجتمع
  10. حبيبي الأول لا أستطيع نسيانه
  11. حماتي هتخرب حياتي د.هيام عزمى النجار
  12. حياة الكاذبين د.هيام عزمى النجار
  13. خطيبها عينه زايغة د.هيام عزمى النجار
مشكلة التعليم والثقافة -د/هيام عزمى النجار Dr.Hiam-Azmi Reviewed by Nany Elsayed on الاثنين, سبتمبر 05, 2016 Rating: 5

ليست هناك تعليقات:

جميع الحقوق محفوظة مصر سكاي © 2015
Designed by Sweetheme

نموذج الاتصال

الاسم

بريد إلكتروني *

رسالة *

يتم التشغيل بواسطة Blogger.