Top Ad unit 728 × 90

أحدث المواضيع

recent

حب من طرف واحد - د.هيام عزمى النجار Dr.Hiam-Azmi



 تكتب دكتورة هيام عزمى النجار خبيرة التنمية البيشرية ومساعدة الدكتور إبراهيم الفقى عن حب من طرف واحد - د.هيام عزمى النجار Dr.Hiam-Azmi

 المشكلة:

انا شاب عندى 28 سنة اتعرفت على فتاة وتقربنا من بعض واصبحنا اصدقاء جدا لكن بعد فترة حسيت ان مشاعرها اتجاهى بقت مشاعر حب حبيت مش اظلمها معايا حاولت ابعد عنها بس لقيت منها اصرار ان نرجع اصحاب تانى وبقيت اهرب منها اكتر لغاية ما لقيتها جاءت لية الشغل عندى وقالت لية انها بتحبنى من زمان من قبل ما اعرفها وانها متابعة اخبارى من زمان من بعيد وسبتها ومشيت وبعد كدة حاولت تكلمنى مش كنت برد عليها خالص بس لقيتها بتروح عندى الشغل وبتظل تبص علية من بعيد وتمشى وكام مرة اشوفها تحت البيت عندى وفى مرة قابلتها صدفة و سألتها بتعملى كدة لية قالت انت منعتنى اني اكلمك بس مش منعتنى ان اطمن عليك وانا بقالى سنين متابعاك وبراقبك من غير ما تشعر بلاش تخلينى اندم انى عرفتك اني بحبك، مش عارف اعمل ايه هى بنت ممتازة فى كل حاجة بس حبها غريب اوى وايه اللى كان مسكتها السنين دى كلها وايه اللى رجعها دلوقتى المشكلة انى بحبها كصديقة بس حبيبة لا - وانا كمان كنت مرتبط قبلها ومش حصل نصيب وبعد فترة نسيت وعرفت اعيش بس البنت دى غريبة مع قسوتى لها، حبها بيزيد وبتعمل اى حاجة علشان تتطمن علية لدرجة انها مرة مشيت وراية ولما سألتها بتعملى كدة لية قالت علشان اطمن عليك لانك مش عايز تطمنى عليك مش عارف ليه مش عارف احبها بالعكس كل يوم بحس انها مش عندها كرامة والغريبة انها ناجحة فى شغلها يعنى اللى يعرفها فى شغلها مش يصدق انها بتعمل كدة ازاى احاول ابعدها عنى، و تنسى حبى خالص مش نافع معاها القسوة ولا الحنية فى الكلام .....اعمل اية؟
حب من طرف واحد - د.هيام عزمى النجار Dr.Hiam-Azmi
حب من طرف واحد - د.هيام عزمى النجار Dr.Hiam-Azmi

الحل:

بسم الله الرحمن الرحيم - إلى صاحب هذه القصة أود أن أقول لك أنك وصفتها بأنها إنسانة ممتازة وهي كذلك فعلاً فالحب الحقيقي سواء في الصمت أو في الكلام واضح جداً وهي أظهرت حبها لك بكل وضوح وأنت رفضتها ولكنها لا تستطيع أن تمنع قلبها من حبه لك لأنها أحببتك فعلاً ، ولا نطلب منك أن تغصب على نفسك وتحبها لأن الحب ليس بالإكراه، وفي نفس الوقت لا توصف حبها وأفعالها أنها عديمة الكرامة بل على العكس إنها عزيزة النفس جداً وفي الحب الحقيقي لا توجد بين من تحب عزة نفس ولا كرامة وهذا هو الحب، أما ما عليك فعله فأنت لا ترد على الموبيل ولا تكترث بها فأنت فعلت ذلك بالفعل لا عليك اللوم ولا تحاول أن تنسيها حبك لأنها لا تنساه إلا لو قررت هي أن تُمحي حُبك من قلبها هي نفسها وليس أي مخلوق آخر، وإمشي في حياتك بدون أن تكترث بأمرها لكن إياك أن تعاملها بطريقة سيئة، لأن الكلمة من الممكن أن تقتل إنسان فإمشي في حياتك وحب وإخطب وإتجوز كما تشاء وإتركها لشأنها ولا تجرحها ولا تبدي لها أي إهتمام، ووفقكك الله لما يُحب ويرضى.
وبذلك نكون قدمنا موضوع عن حب من طرف واحد - د.هيام عزمى النجار Dr.Hiam-Azmi
شاهد المزيد من موضوعات التنمية البشرية ومشاكل حياتية لدكتورة هيام عزمى النجار على مصر سكاي

  • الهروب لدكتور هيام عزمى النجار Dr.Hiam-Azmi - New !!


  • بنوتة هوائية - دكتورة هيام عزمى النجارDr.Hiam-Azmi - New !!
  • جفاف الأبناء وقسوة الآباء - دكتورة هيام عزمى النجار Dr.Hiam-Azmi - New !!
  • حب من طرف واحد - د.هيام عزمى النجار Dr.Hiam-Azmi Reviewed by Nany Elsayed on الأحد, نوفمبر 13, 2016 Rating: 5

    ليست هناك تعليقات:

    جميع الحقوق محفوظة مصر سكاي © 2015
    Designed by Sweetheme

    نموذج الاتصال

    الاسم

    بريد إلكتروني *

    رسالة *

    يتم التشغيل بواسطة Blogger.